ستراتيجية التعامل مع الزوج الخائن

والصلاة والسلام على اشرف المرسلين
سيدنا محمد صلى الله عليه وسلم

طبعا كلنا هنا يا حبيايبى عرفين ان تكرر موضوع معين
وبخاااااااااااااصة فى قسم المحتارة
وهو موضوع

الخيااااااااااااااااانة

الزوجية
واتكرر اوى مووضع الخيانة عن طريق النت والموبيلات والنت اكترها
وانا فى التفرة الاخيرة دى شوفت اقرب اقرب الاقربين لية حصل معاها دة ومش واحدة وبس اكتر من واحدة
وانا بحثت كتير فى المواقع لحل للموضوع دة
او لية بيعملو ازواجنا كدة
او اية بيحصل
وقلت اكتب وانزل ليكو الموضوع دة
بس
للي.................عايزة تصلح من جوزها وترجعلة وتسامحة
مش اللي تقول دة خاين وتطلب الطلاق وتجري وتسبة يعيش فى ملذاته امتر ويخون اكتر
مهو انتى الخسرانة
بالعكس
مهما يخون او يلف ويدور انتى بس اللى بيقول عليها مراته؟؟
انتى بس الى بتظهرى معاه ادام كل الناس..
انتى بس اللى بينام جنبها او فى حضنها فى النهاية..
انتى بس اللى عايز منها عيال
وانتى اللى شيلة اسمه
وانتى حاجات كتير
الباقى نزوات
طبعا نزوات صعبة جدا جدا ومش اى زوجة تقدر تتحملها طبعا
بس كلها عبارة عن مقالب غرور من الراجل وعايز يرجع تانى لنفسه انه شخص مرغوب فية
او عايز يحس بمراهقتة ادام البنات؟؟؟؟؟؟؟؟ وبأكد البناااااااااات مش الستات
لان اللى وجدتة فى اللى حوالية ان معظم بل اكثر الرجاله بيدور على بنااااااااااااات مش ستات
لان اصلا عنده ست فى البيت
ست بتتطبخ وتكنس وتمسح وتربى وجسمها باظ ومش بتهتم بنفسها اوى ولا بتحط ميك اب الا وهى خارجة

طبعا مش كل الستات بيعملو كدة

لا فى ستات مية مية وعلى طول على سنجة عششششششششششرة
ودى بقى بتكون فراغة عين من الراجل وعايز يحس بقيمتة اكتر فيجرى بره

هتكلم عن نفسى
انا جوزى الله اعلم بيعمل اية فى غربيتة بس انا ديما بقرب منه دينيا ونفسيا لان عارفة ان المغريات صعبة جداااااا
بس هتكلم عن نقطة معينة وهى ان لما جوزى ديما شيفنى مهتمية بنفسى وواثقة من نفسى وذو شخصية فى عملى
على طول بيحسسنى بقلة القيمة من اتجاه معين
مثلا يقولى انتى مغرورة
او يقول انتى مفكرة نفسك جميلة اوى
او يقول انتى شايفة انك بس اللى بتفهمى والناس لا........
واسمع من ورايا غيرتة جداااااا علية من عيون الناس ودة عشان عارف اهتمامى بنفسى
اسمع من ورايا انه بيقول انا سايب 7 رجالة فبعض دة كفايا شخصيتها فشغلها ....وعجبى
وديما يقول انا مبخدش غير برأى مراتى؟؟؟؟؟؟؟؟؟؟وعجبى
ودة بيأكدلى عكس كلامة انة بيبن ادامى اللى مشعايز يقولة
طيب هتقولو ودة دخلة اية بموضوع الخيانة 
هقولك
ان الراجل مثلا لو شايف مراته جميلة جدا بيعرف واحدة عليها عشان بيحس احيانا بالنقص ادمها من جمالها ومن كلام لناس عليها فبيحب يحس انه شخص مرغوب فية جدا ودة عن تجربة لقريبتى
الزوج بيحس ان مراتة اعلى من ثقافيا او علميا فبيروح يعرف واحدة اقل منة جدا ودة عشان ميحسس نفسة بالنقص ادام مراة وانه مرغوب من وجهة نظرة بواحدة ست ستها .............مجرب
الزوج يحس ان مراته اعلى منه ماديا فبيروح يعرف واحدة اقل منه ويصرف عليها كمان ويكون مبسسسسوط جدا عشان يحسس نفسة انا اهو وراجل وبعرف اصرف وتوووووظ فيكى .. ودة مجرب

ووالله والله يا جماعة اى قصة هقولها هنا والله والله من اقرب الناس لسها
هقولها واشرحها واقول موقف كل زوجة عشات تعرفو فن التعامل مع الزوج الخائن
ارجوكى لا تنسونى بالدعاء بالتعويض بالخلف الصالح
وهداية زوجى
وان يجمع شملنا الله على خير
ولا تنسو التقييييييييييم عشان الموضوع دة بجد لازم يتثبت لانة مهم

ويلا بينا نعرف فن التعامل مع الزوج الخائن...........
بسم الله

معظمنا بيشوف ان عند حدوث الخيانة فان العلاقة بينك وبين جوزك ماتت وانتهت وعليها السلام!!
والباقيات بتشوف ان دة الم وشرخ مؤلما مع شريك حياتك وفية ناس بيشوفها انها تجربة قااااااااسية بنتعمل منها طبعا ونشوف كنا غلطانين فى اية
ووطالما اخترتى الاختيار الاخير انها تجربة قاسية فلازم ترضى بالامر الواقع وتحاولى التأقلم على الوضع الجديد. اوعشان توصلى للمجاح والتأقلم بتخدى فترة طويلة ممكن شهر او شهرين او سنة او سنين او فترة كبيرة عقبال ما تنسى الجرح والالم اللى سببه جوزك
وطبعا فترة اطول عشان تستعدى تانى نفسيا وترجعى تثقى فية
ودى بقة همسات فى اذنك لما يحصل كدة عشان تتعلمى وتعرفى وتحاولى تشوفى اية حصل وتقدرى تعيشى تااااااااانى

1- إحزني: طبعا لالالالالالالالالالالالالالالازم تحزنى وتعيطى وتزعلى طبعا مهو الى حصل حصل وحزنك دة مش ليكى وبس ولية كمان حتى لو معترفش بيكون حزين من جواه يأما عليكى او عشان اتفضح ادامك بس اعرفى وانتى حزينة ان الحزن دة مش لالازم يطول ولازم تكسرية لازم........عارفة لية لان حزين لئيم وصعب وزى الموت فبيتولد كبير وبيقل مع الايام...........

2- تحلي بالصبر والهدوء والثبات فالمشاعر :لازم يا حببتى تكونى هادية وصابرة واعملى جيييييييييدا طول ما انتى عصبية ومجنونو وعمالة تخبطى بالكلام وتحى هنا وهنا وتقولى خانى وعمل وعمل هتلاقى اللى تتديكى حل وهتلاقى اللى تشعللك اكتر وهتلاقى اصحاب الخير كتييير؟؟ فلازم تكونى هادية وصابرة وتحتسبى اللى حصل عند ربنا لان هدوئك دة هيخليكى تعرفى تفكرى كويس لية دة حصل ومن امتى بيحصل واية الضرر اللى حصل ولحد فين وصلك جوزك بخاينته؟؟واحسن حل متتكلميش مع حد كتير بس مش معنى كدة تموتى يعنى ومتحكيش لا احكى بس للى تثقى فيها وتتديكى حل وتهديكى.

3- استمعي له وتعلمي فن حسن الاستماع:بصى اهم شئ انك تكونى مستمعة جيدة جدااااااااااااااااا لجوزك فى الحالة دى وتكونى اشبة بمحيط من الجليد ودة عشان تديلة فرصة اكبر يحكى ويقول كل اللى عندة بدون خوف منك واياك وانتى بتسمعيلة تنفخى تتنرزفى ترزعى بالعكس لو استشهد بكلامة بموقف رخم انتى عملتية عشان كدة راح كلم واحدة قوليلو صح عندك حق انا كنت يومها لا اطاق
ارميلة الطعم واديلو الثقة
وانا بقول فى حالة لو جووزك اعترف مثلا لان كتير والاكتر مش بيعترفو عشان مش يتكسرو ادام مراتتهم

4- حددي الضرر الذي حصل للعلاقة الزوجيه:الخيانة لها ردة فعل مختلفة لكل من الزوجين. 
الحوار بقة بين الزوجين مهم اوى لمعرفة كم الضرر اللى حصل فى العلاقة الخاصة دى\يعنى كانت تليفون ولا نت ولا كبرت لمقابلة ولالالالالالالالا................
لذا فهناك عودة اكيده لسؤال يفرض نفسه على الطرفين عشان كدة انتى ديما بعد ما تحددى السابق على طول هتساليةوتسالى نفسك ((خونتى ليييييييييييييييييييييية...)
طبعا السؤال دةمهم للطرفين اعشان يوضح لية حصلت الخيانه والاجابة علية ممكن توضح وجهة نظر ورأيه لحد من الزوجين لان في كل خيانه هناك باب او مبرر حتى ولو كان صغيرا او تافها للاخر فيمكن ان يكون سبب ومؤشر مهم وللخيانة اللى ممكن تكونى انتى اللى عملتية ومش اخدة بالك ودة ولو حتى صعب بس هيكشف المشاعر الحقيقية للزوج والزوجة ادام بعض وممكن دة يرجع تانى العلاقة بنكو جميلة واكتر من الاول والله

5- تجنبي: اوعى الهبل يشتغل والحالة تشتغل وتفضلى تلومى وتعاتبى ولية وعشان اية وانت وانت وتدعي \انا عارفة انك ساعتها بيكون نفسك تموتية وتتدخلية فية السجن وترتاحى بس اصبرررررررى\لان الحديث معاه هيوصلك لحل المشكلة بنفسك انتى؟؟ناقشي الموضوع مع زوجك بهدوء دون عصبيه عشان تتوصلي الى االاسباب التي دفعتيه الى الخيانه وحاولي تفهمها وخاااصة اذا زوجد مبدأش بالاسف والاعتذار زية زى اى زوج فى العصر الشرقى دة وابسط حاجة يقولها انا كدة الي عندك اعملية؟؟ودة عشان يدارى خجلة منك اكتر لانة اتكشف ادامك

6- اتكلمي : بعد ما الامور تبدا تهدى شوبة ابداى اتكلمى معاه عن حياتكو ومستقبلكو واتكلمى معاه اوى اوى فى الدين كل راجل ولية مفتاح لشخصيتة انتى بس اللى تعرفيها ادخليلو منها وديما ديما ديما ارجوكى حاولى تعرفية ان الحصل دة نوة لالازم انتو الاثنين مش انتى وبس. ها والغرور يخدك لا انتو الاثنين هتعدوها وتغفرو عشان توصلو لحياه مستمرة واتكلمى معاه عن ولادكو ومستقبله لو البيت اتخرب ولو حتى مش عندك اولاد قولى حبيبى انا بحبك وعايزه منك ولاد ولازم تتقى ربنا عشان ربنا يمن عنينيا بالذرية الصالحة

7- احزرى : خلى بالك من كتر الخناقات بعد الموضوع دة اوعى كل شوية تتخانقى معاه وتقوليله فاكر وفاكر وتفضلى تعايرة واوعى تقولى لا مش بعمل كدة لالا انتى بشر وممكن فى لحظة غضب تعملى كدة
وساعتها بقة البية جوزك ينزل ويسيب البيت ويروح يشوف حياتة تانى 
مهى المدام عكننة؟؟
خلى بالك ان الجلسة اللى كانت بينكو كانت جلسة صلح وتفاهم واتفاق مش عشان بعد ما يعترف تعايريه او حتى لو معترفش تفهمية ان قفشاااااااااااااااه ومدارية علية ومستحلفاله
.
8-بلاش زن: يعنى اية 
يعنى مش بعد ما يخرج تجرى على موبيلك وتقومى متصلة بية
انت فين
ومع مين
وبتعمل اية
لالالالالا اديلة الثقة شويييييييية بس مش اوى خلى ديما الباب مواااااارب
وكلمية فى مواعيد معينة مثلا قبل ما يجى قولية حبيبى اتاخرت وانا جعانة مش هتعشى الا لما ترجع يا قلبى
او قبلها بشوية حبيبى لو سمحت هتلى ....اى حاجة بقة
المهم انك تراقبية بسسس بطريق غير مبااااااااشر
.ودة مهم لية بقة لاان الرجل الشرقي مهما كانت قوة سواء اعترف او معترفش فبيشوف خيانته ولكنه عمره ابداااااا ما بيرضى بالذل والا نكسار ادامك او انك العسكرى بتاعة وحطى تحت الجملة دة مليون خط
او مثلا تقومى بعد ما يجى فورا تفتشى فى موبيلة واول ما يطلع من الحمام تقومى سايبة الموبيل
يشوفه منور يعرف ان كنتى مسكاة اويلاقية سخن مطرح رعشة ايدك؟؟منتى مرعوبة تلاقى حاجة
بذمتك مش دة اللى بيحصل
يقوم بعمل معاكى خناقة ويعكنن عليكى
انتى بتفتشى ورايا..
انتى مالك ومالى
انا حر..؟؟؟

صدقينى هقولك جملة صعبة جداااااااااااا
اهون جوزك يعرتف ويتوب وتسامحية
واهون ممكن ميعترفش عشان ثقتك وحبك فية ميقلش
بس الي مش هين ابدااااااااااا
ان يقولك دى حياتى وانا كدة وبخون وهخون
عجبك عجبك
مش عجبك يا اطلقك وتغوري ربة او تخلعينى
ساعتها هتتمنى الموت ارحم من هوانك كلللل دة علية
واقسم بالله مهو كلام
دة مجرب

9- سجلي :شوفى بقة كل ما تحسى انه عمل حاجة كويسة و انه رجع يتحسن سجلى دة على طول فدماغك او مذكراتك الخاصة
وشوفى بقى يتحسن بكام درجة
لان دة هيحسن من روحك المعنوية ونفسيتك جداااااااا
وكمان سجلى بردو اى مؤشر للنزول تانى
وشوفى الغلط تانى من عندة او عندك

10-اخيرا وليس اخرا
مش كل الرجالة ادبا بيعترفو فخدى بالك بلاش تتغطى علية
ولكن راقبية من بعيد لبيعد واحتفظى بخيانتة جواكى معلش انا عارفة انه صعب بس تعالى على نفسك واعرفى لية عمل كدة واداى غيرى واتغيرى بأى شكل واى طريقة ديما خليكى معاه وادام عينة عشان ميعرفش يعمل حاجة
وادعيلة ارجوكى ادعيلة ومش تتدعى علية
ويوميا امسكى سبحتك واستغفرى
وهاتى صورته ادامك وامسكى السبحة وقولى يا ودود وياودود والله والله ربنا هيرجعولك
وادعى فصلاتك لية بالهداية وفوضى امرك لله بس خدى بردو بالاسباب.................واقرى له سورة ياسين والواقعة

اشكركم لحسن قرائتكم
واسفة جدا على الاطالة
وارجوكم بالله عليكو قيمو
لانى والله والله بقالى ساعتين بكتب
وللامانة لله الموضع دة مش كلة منقول
والله والله والله
انا اخدت بعض العنوانين
لكل كل حرف وكل كلمة منى انا وبصياغتى انا وفية حاجات انا اللى كتباها بنفسى من واقع تجاربى مع الاخرين
ولسة هنزل القصص والحلول
فلا تستهونى ولا تبخلو على بالتقييم
زاى حاجة انا معاكو وتحت امركو
واللى مش عايزة تكتب هنا ممكن تبعتلى على الخاص

احبكم فى الله 
سمسة